Petropavlǵa qardyń 10 kúndik mólsheri tústi
PETROPAVL. QazAqparat - Soltústik Qazaqstan oblysynyń keıbir aýdandary men Petropavl qalasynda bir túnniń ishinde qardyń 10 kúndik mólsheri tústi, dep habarlaıdy QazAqparat.
Jergilikti «Qazgıdromet» RMK fılıalynyń aqparatyna súıensek, oblys ortalyǵyna 9 mıllımetr, keıbir aýdandarǵa 10 mıllımetr kóleminde qar jaýǵan.
«Oblystyń barlyq aýdandaryna qar tústi. Búgin óńirdiń shyǵys bóliginde qar jaýady dep kútilýde. Erteń antıtsıklonnyń áserinen aýa temperatýrasy sál tómendeıdi»,-deıdi fılıal dırektory Qymbat Merǵalymova.
Qar tazalaý tehnıkalary qala kóshelerine túngi saǵat ekide shyqqany aıtylady. Qardy syrtqa shyǵarý jumystaryna tańerteńgi saǵat 10-nan bastap kirisken.
Qala ákiminiń baspasóz qyzmeti habarlaǵandaı, tazalaý jumystaryna ıelikterinde 30 shaqty qar tazalaý tehnıkasy bar 7 merdigerlik uıym tartylǵan.
Buǵan deıin Qostanaıǵa da aıtarlyqtaı mólsherde qar túskeni týraly aıtylǵan bolatyn.
