Petropavlǵa daýyl soqty
PETROPAVL. QazAqparat – Petropavlda kúshti jel aǵashtardy qulatyp ketti, dep habarlaıdy QazAqparat.
Petropavlǵa daýylǵa para-par jel soqty. Naızaǵaı oınap, jel kóterilip, qalany aıaqasty astań-kesteń etti. Jeldiń sońy jaýynǵa ulasty. Turǵyndar kúshti jelden soń 1 saǵattan keıingi kórinisterdi jelige jarııalap jatty. N.Nazarbaev kóshesinde aǵash marshrýtty avtobýstyń aldyna qulaǵan. 2-shi qalalyq aýrýhana kóshesinde qulaǵan tal sol jerden ótip bara jatqan kólikti basyp qala jazdaǵan.
19-20 qyrkúıek aralyǵynda ekpini sekýndyna 28 metrge jetetin jel soǵatyny týraly aqparat 101 qutqarý qyzmetinen kelgen. Degenmen kúndiz kún ashyq bolyp, kúz úshin óte jyly aýa raıy boldy.
