Petropavldyń qala mańyndaǵy dámhanada bolǵan atys saldarynan eki adam zardap shekti

Soltústik Qazaqstan oblystyq ishki ister departamenti baspasóz qyzmetiniń aqparaty boıynsha, ótken senbi kúni keshke «Prıval» dámhanasynda iship alǵan eki jigit eregisip qalady. Sonyń saldarynan 26 jasar petropavldyq «OSA» tapanshasynan oq atady. Oblys ortalyǵynyń 26 jasar turǵyny - basyna tıgen oqtan aýyr jaraqat, onyń serigi shúıdesine janamalap tıgen oqtan jeńil jaraqat alady. Zardap shekkender aýrýhanaǵa jatqyzyldy.

Oqıǵa ornyna qalalyq ishki ister basqarmasynyń shuǵyl-tergeý toby kelip jetti. Jınalǵan shuǵyl aqparat kúdiktiniń kim ekenin jáne ony ustaýdyń sharalaryn belgileýge múmkindik berdi.

Osy fakti boıynsha QR Qylmystyq kodeksiniń 103-babyna saı is qozǵaldy.