Petropavldyń elektrondy kartasy jasalýda
PETROPAVL. QazAqparat - Petropavlda oblys ortalyǵynyń ınjenerlik jelileri boıynsha bar aqparatty jınastyratyn elektrondy kartasy jasalýda, dep habarlaıdy QazAqparat tilshisi.
Soltústik Qazaqstan oblysy ákiminiń orynbasary Madııar Qojahmettiń aıtýynsha, elektrondy kartany jasaý úshin «Gosgradkadastr» uıymymen kelisim jasaldy. 3 480 ga aýmaqtaǵy ınjenerlik jeliler boıynsha aqparat bir júıege jınaqtalady. Bul kartaǵa sáýlet jáne jer qatynastary boıynsha memlekettik qyzmetterdi avtomattandyrý júıesin úılestirýge bolady. Oblys ákimi Qumar Aqsaqalov atalmysh júıe kásipkerlerge kóp jeńildik ákeledi deıdi.
«Bul kásipkerlerge úlken kómek. Olar nysandar jáne jer úlesteri týraly bar aqparatty ala alady. Qazir bıznesmender barlyq protsedýralardy ótýge kóp ýaqyt jumsaıdy. Injenerlik jeliler men qyzyl syzyqtardy anyqtaýǵa biraz ýaqyt ketip qalady. Kartany qursaq, paıdaly bolady. Bul júıe azamattarǵa tehnıkalyq sharttardy avtomatty túrde alýǵa da kómegin tıgizbek», - deıdi óńir basshysy.
Jospar boıynsha jańa geoaqparattyq júıe 2019 jyly iske qosylady.
