Petropavldyń birneshe kóshesi men aýlasy jaryqsyz qaldy
PETROPAVL. QazAqparat - Petropavldyń birneshe kóshesi úsh táýlik boıy jaryqsyz otyr, dep habarlaıdy «QazAqparat» HAA.
Soltústik Qazaqstan oblysynyń keıbir kósheleri men aýlalary, naqtyraq aıtqanda 19-shy jáne 20-shy shaǵyn aýdandary keshkisin qaratúnekke aınalady.
Áleýmettik jelini paıdalanýshylar bul máseleni qazir jergilikti pablıkterde talqylaı bastaǵan. Turǵyndardyń alańdaýshylyqtaryn túsinýge bolady. Qarańǵy kóshelerde eresekter de balalar balabaqshalarǵa, mektepterge barady jáne ol jaqtan úılerine taǵy sol qarańǵy jolmen qaıtady.
«Jaıaý júrginshiler jolymen júrý qaýipti bolyp tur. Óıtkeni júrginshiler qarańǵy jolda kórinbeıdi. Mektep oqýshylarynyń kópshiligi jalǵyz júredi. Qylmyskerler úshin tún mezgili naǵyz «áreket» etetin kez. Álde biz adamdardyń sol qylmyskerlerdiń qolynan zardap shekkenin kútip júrmiz be?», dep jazady jaǵdaıǵa alańdaýshylyq bildirgen petropavldyqtar jelide.
Qala turǵyndary elektr jaryǵynyń sóndirilýiniń kóptegen sebepterin aıtyp otyr. Jaǵdaıdyń mán-jaıyn anyqtaý úshin «QazAqparat» tilshisi Petropavl ákimdiginiń baspasóz qyzmetine habarlasyp, osy máselege resmı jaýap berýdi surady.
