Petropavldyń bazaryndaǵy alapat órt sóndirildi
PETROPAVL. QazAqparat - Petropavldaǵy «Qyzyljar» kommýnaldyq bazarynda bolǵan órt sóndirildi. Onyń jalyny 600 sharshy metr aýdandy sharpydy, dep habarlaıdy QazAqparat tilshisi.
Soltústik Qazaqstan oblysy tótenshe jaǵdaılar departamenti baspasóz qyzmetiniń málimetinshe, órtti sóndirýge jalpy 70 adam jáne 21 tehnıka jumyldyrylǵan.
Órt sóndirýshiler jetkenshe ǵımarattan 90 adam evakýatsııalanǵan. Qurban bolǵandar joq, eshkim zardap shekpegen.
Oqys oqıǵa týraly habar órt sóndirý bólimshesine búgin tańǵy 10:00-der shamasynda kelip túsken.
Órt kommýnaldyq bazar ǵımaratynyń saýda dúńgirshikteri ornalasqan ekinshi qabatynda tutanǵan.
«Órt týraly habar meılinshe kesh berilgen deýge negiz bar. Óıtkeni qyzmetkerler jetkenshe ǵımarattyń birshama bóligin jalyn sharpyp úlgergen. Qaýiptiń óte joǵary - úshinshi deńgeıi jarııalandy. Órtti sóndirýge SQO TJD bastyǵy Ramıl Kamalov basshylyq etti», - dep málim etti baspasóz qyzmeti.
Oqıǵanyń mán-jaıy tekserilip jatyr.
