Petropavldyń 270 jyldyq mereıtoıy qalaı toılanady
Petropavl qalalyq ákimdiginiń málimetinshe, qalalyq máslıhattyń 2005 jylǵy sheshimine sáıkes Petropavl kúni shildeniń ekinshi jeksenbisi toılanyp keledi, bıyl ol 10 shildege túsken.
Shahardyń 270 jyldyq mereıtoıy oblys ortalyǵynyń negizgi bes alańynda – Qazaqstan Konstıtýtsııasy kóshesindegi bas alańda, mádenıet jáne demalys saıabaǵynda, Pestroe kóliniń mańyndaǵy «Soltústik juldyzy» saıabaǵynda, «Dınamo» stadıony men Jeńis saıabaǵynda atap ótiledi.
Іs-sharalar saǵat 11.00-de bas alańda «Súıikti qala» teatrlandyrylǵan kontserttik baǵdarlamasymen bastalady.
Sonymen qatar, kásipkerler palatasy bul kúni «Qazaqstannyń úzdik taýary» óńirlik kórmesin uıymdastyrýdy josparlap otyr. ıAǵnı, jergilikti taýar óndirýshilerdiń ónimderi qoıylǵan 30 pavılon jumys isteıdi.
Jastar resýrstyq ortalyǵy ulttyq oıyndardy oınatyp, fotokórmeni, shaǵyn fýtbol jarystaryn, quttyqtaý fleshmobyn, jastar sýbmádenıeti festıvalin uıymdastyrmaq.
Balalar da umyt qalmaı, qalanyń kishkentaı turǵyndaryna birqatar qyzyqty is-shara ótkiziledi. Mádenıet jáne demalys saıabaǵynyń ortalyq kireberisindegi alańda qýyrshaq trýppasy óner kórsetedi, beıneleý ónerinen sheberlik saǵattary, anımatorlarmen oıyndar ótedi. Sonymen qatar, bul kúni qyzdar arasynda «Petropavldyń kishkentaı arýy» atty sulýlyq pen talant baıqaýy uıymdastyrylmaq.
Qalanyń bilim berý uıymdary eski saıabaq aýmaǵynda «Súıikti kala» aýla oıyndarynyń festıvalin ótkizedi. Jóndeýden ótken «Dınamo» stadıonynda tennıs, jaǵajaı voleıboly, shaǵyn fýtbol, basketbol jáne strıt vorkaýttant birqatar sporttyq jarys josparlanǵan. «Soltústik juldyzy» saıabaǵynda alǵash ret trıatlonnan jarys ótkizilmek.
Mereke sońynda belgili qazaqstandyq DJ «Maıor» dıdjeıiniń qatysýymen keshki jastar baǵdarlamasy ótedi, faıer-shoý jáne jaryq shoýy josparlanǵan.
Aqerke Dáýrenbekqyzy
