Petropavldyqtar emhana jumysyn QR kod arqyly baǵalaı alady
№ 3 qalalyq emhana oblys boıynsha ambýlatorlyq-emhanalyq qyzmetke tsıfrlandyrýdy engizý boıynsha pılottyq jobany júzege asyryp otyr. Qazir ýchaskelik dárigerlerge elektrondyq túrde jazylýǵa bolady. Dárihanalardan tegin dári alý, zerthanaǵa qan tapsyrý, fýnktsıonaldyq dıagnostıka kabınetterine, áıelder dárigerine kirýge elektrondyq kezek jumys isteıdi.
«Qyzyljar - adaldyq alańy» jobalyq keńsesiniń usynysymen bıylǵy 20 mamyrdan bastap QR kod arqyly elektrondyq saýalnama jumys isteı bastady. Mamandardyń aıtýynsha, bul qyzmet syrqattarmen keri baılanys ornatý úshin qajet.
«Elektrondyq saýalnama boıynsha apta saıyn jınalys ótkizetin bolamyz. Syrqattardyń ár shaǵymy, usynysy nazardan tys qalmaıdy. Sapasyz qyzmet kórsetýge neniń sebep bolǵanyn - qondyrǵy ma, ne bolmasa dáriger me, anyqtaımyz», - dedi emhananyń bas dárigeri Álııa Táshetova.
Sondaı-aq qazirgi tańda zerthanalyq aqparattyq júıeni engizý boıynsha jumystar atqarylyp jatyr.
«Syrqattardan túsetin aryz-shaǵymdar shamamen 90% azaıdy. Ásirese, kezek boıynsha. Buryn kezekte 2 saǵatqa deıin otyrsa, qazir kóp bolsa 40 mınýt kútedi. Zerthanalarda qyzmet kórsetý 6 mınýttan 3 mınýtke deıin qysqardy. Mamandar qaǵazbastylyqtan qutyldy», - deıdi SQO Densaýlyq saqtaý basqarmasynyń basshysy Tımýr Sultanǵazıev.
Alık Shpekbaev syrqattarmen sóılesip, engizilip jatqan jańashyldyqtar boıynsha pikirlerin bildi. Al emhana basshylyǵyna «aryz ben usynys kitabyn» bastap, kórinetin jerge qoıýǵa keńes berdi. Óıtkeni, egde jastaǵylardyń kópshiligi elektrondyq qyzmetti paıdalana almaıdy.
Aıta keteıik, «Qyzyljar - adaldyq alańy» jobalyq keńsesi sybaılas jemqorlyqtyń aldyn alý úshin qurylǵan. Emhanada bul keńse jaıynda biletinderi unady. ıAǵnı jumystar atqarylyp jatyr. Halyq bul jobalyq keńseniń ne úshin qurylǵanyn, qalaı jumys isteıtinin bilýi kerek», - dedi agenttik tóraǵasy.