Petropavldyqtar avtobýstardyń las ári sýyq ekenin aıtyp shaǵymdandy
PETROPAVL. QazAqparat - Petropavl qalasy ákimdiginde qoǵamdyq kólikti jańalaý máselesine arnalǵan otyrys ótti, dep habarlaıdy «QazAqparat» HAA tilshisi Petropavl ákimdiginiń baspasóz qyzmetine silteme jasap.
Qala ákimi Marat Tasmaǵanbetovtiń basshylyǵymen ótken otyrysta qala avtobýstarynyń qyzmetine qatysty ózekti máseleler talqylandy. Qala turǵyndary avtobýstardyń salony taza emes ári sýyq dep shaǵymdandy. Polıtsııa azamattardyń ótinishteri boıynsha reıd júrgizip, avtobýstardyń tehnıkalyq aqaýlary týraly 11 hattama toltyryldy.
«Kezdesýde ekinshi deńgeıli bankter men «Damý» qorynan nesıeleý sharttary talqylandy. Jolaýshy tasymalynyń sapasyn jaqsartý úshin eski mashınalardy úlken ári zamanaýı avtobýstarǵa almastyrý qajet ekeni túsinikti», - deıdi ákimdik baspasóz qyzmetindegiler.
Avtobýs parkin jańalaý jumystary bastalyp ketti. Úsh jańa avtobýs ákelindi, aqpandaǵy taǵy úsheýi keledi.
Kún saıyn Petropavlda 300-den astam qoǵamdyq kólik quraly qyzmet etedi.
