Petropavldyq polıtseıler birneshe velosıped urlyǵyn ashty
PETROPAVL. QazAqparat - Petropavl polıtseıleri birer kúnde 3 velosıped urlyǵyn ashty, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, kún jylynysymen Petropavlda velosıped urlyǵy kóbeıip, tártip saqshylarynyń jumysy artty. Ásirese mamyr aıynda kólikteriniń urlanǵandyǵy jóninde polıtsııaǵa aryzdanýshylar kóp kelipti.
Mamandardyń aıtýynsha, qylmyskerler bir «stsenarıımen» jumys istegen. ıAǵnı ury úı domofonyna qońyraý shalyp, túrli sebepter aıtyp esikti ashýdy ótingen. Keıin kireberiste turǵan velosıpedti esh qıyndyqsyz áketip otyrǵan.
Jedel-izdestirý is-sharalary nátıjesinde kúdikti ustaldy. 1988 jyly týǵan qala turǵyny buryn urlyq, tonaý jáne qorqytyp tartyp alý úshin birneshe ret isti bolǵan eken. Aıtýynsha, aýlalarynda, kireberisterinde beınekameralary joq úılerdi tańdap, domofonǵa qońyraý shalý arqyly ishke kirip otyrǵan. Keıin velosıped bolsa onyń qulpyn buzyp áketip, ǵalamtor arqyly satqan.
Atalǵan faktige qatysty QR Qylmystyq kodeksiniń 188-baby «Urlyq» boıynsha sotqa deıingi tergeý júrgizilýde. Urlanǵan múlik ıelerine qaıtaryldy.
«Mamyr aıynda velosıpedteri urlanǵan 8 adam aryzdandy. Onyń jeteýi jedel izdestirý is-sharalary aıasynda ashylyp, kólikter ıelerine qaıtaryldy. Bul urlyqtardyń barlyǵy velosıpedterdiń kireberiste qaraýsyz qaldyrýynan bolǵan. Jalpy urlyqtyń bul túrine 3 jylǵa deıin bas bostandyǵynan aıyrý jazasy kesiledi»,- deıdi Petropavl qalalyq PB aǵa jedel ýákili.
Jyl basynan Petropavl polıtseıleri urlanǵan18 velosıped taýyp, ıelerine qaıtardy.
