Petropavldyq otbasy Ortalyq saıabaqtaǵy eskertkishti óz kúshimen syrlap shyqty
PETROPAVL. QazAqparat – Petropavldyq otbasy qalanyń kórki, kópshiliktiń súıikti eskertkishi – «Aıý men qonjyq» kompozıtsııasyn óz kúshterimen retke keltirdi, dep habarlaıdy QazAqparat tilshisi.
Búgin Grıbanovtar otbasy Ortalyq saıabaqqa baryp, aıý men qonjyqtyń eskertkishin syrlady. Sıqy ketken nysandy jóndeýge olarǵa ul-qyzy kómektesti.
Aıtýlarynsha, iske kirispes buryn ákimdik pen turǵyn úı-kommýnaldyq sharýashylyǵy mekemesi aldyn ala eskertilgen.
«Meniń ata-ájem shamamen ǵasyr buryn Petropavlǵa kóship kelgen eken. Aıý men qonjyq eskertkishi fotoalbomdaǵy eski sýretterdiń kóbinde bar. Biz de otbasymyzben onyń janyna baryp talaı fotoǵa tústik. Kezinde qaladan kóship ketkender de bul eskertkishti arnaıy izdep barady. Biraq onyń sońǵy kezde syry ketip tur edi. Ákimdiktiń bul eskertkishsiz de jumystary kóp. Sondyqtan búgin reti kelip, otbasymyzben baryp jónge keltirdik», - dedi Alekseı Grıbanov QazAqparat tilshisine.
Alekseı Grıbanov Petropavldaǵy «SevKazEnergo» AQ jumys isteıdi, mamandyǵy – qurylysshy-ınjener. Zaıyby ıÝlııa Anatolevna – sýretshi.
Kópshiliktiń súıikti eskertkishi Petropavlda ótken ǵasyrdyń 60 jyldary turǵyzyldy. Dóńniń ústinde turǵan aıý men qonjyq alystan menmundalap, búginde Ortalyq saıabaqtyń nyshanyna aınalǵan.
