Petropavldyq oqytýshy Oksvord ýnıversıtetiniń qurmetti professory atandy
PETROPAVL. QazAqparat – Petropavldaǵy Ermek Serkebaev atyndaǵy ónerdegi daryndy balalarǵa arnalǵan mamandandyrylǵan mektep-ınternat-óner kolledji dırektory Raýza Kasheneva Oksvord ýnıversıtetiniń qurmetti professory atandy, dep habarlaıdy QazAqparat tilshisi.
Soltústik Qazaqstan oblysy bilim basqarmasy baspasóz qyzmetiniń málimetinshe, 17 jeltoqsanda Raýza Kasheneva ónerdi damytýǵa jáne talantty jastardy tárbıeleýge sińirgen eńbegi úshin Oksvord ýnıversıtetiniń qurmetti professory atanyp, ordenimen marapattaldy.
Raýza Kasheneva - pedagogıka ǵylymdarynyń kandıdaty, QR bilim berý isiniń qurmetti qyzmetkeri. Bilikti ustazdyń shákirtteri oblystyq, respýblıkalyq jáne halyqaralyq konkýrstarǵa belsendi qatysyp, júldeli oryndardan kórinip júr. Raýza Ábýtálipqyzynyń ózi de sahnada án aıtyp, respýblıkalyq jáne halyqaralyq deńgeıdegi festıvalderge, baıqaýlarǵa qatysyp turady.
Ol ıtalıandyq uly organıst, Vatıkannyń radıo jáne teledıdar dırektory Artýro Sakettıdiń Tallın qalasyndaǵy Domskıı soborynda ótken kontsertine qatysty.
Nıderlandyǵa gastrolge shyǵyp, 15 jeke kontsertin berdi. Amsterdam konservatorııasynda bolǵan Belkanto festıval-konkýrsyna qazylar alqasynyń múshesi retinde qatysty. Osy saparynda 74 mınýtqa sozylǵan kontsertiniń dıskisin shyǵardy.
2010 jyly Raýza Kasheneva Eýropa rektorlarynyń halyqaralyq klýbyna qosylyp, onyń qurmetti múshesi atandy. Bul Oksford qalasynda ótken «XXI ǵasyr kóshbasshylary» halyqaralyq sammıtinde boldy.
2011 jyly ol basqaratyn kolledj European QUALITYA WARD - «Eýropalyq sapa» halyqaralyq marapatyn aldy.
2012 jyly KPE jáne Eýropalyq bıznes Assambleıasynyń shaqyrýymen Vena qalasynda ótken halyqaralyq forýmǵa jáne rojdestvolyq rytsarlar balyna qatysyp, Vena sımfonııalyq orkestrimen birge óner kórsetti.
2012 jyly Halyqaralyq ǵylymı-ónerkásiptik palata Belgııada altyn medal men Demerito dıplomyn tabys etti.
