Petropavldyq ǵalymdar aǵyn sýdy tazartýdyń tyń tehnologııasyn oılap tapty
Málimetke saı, bul tásil túrli hımııalyq zattar qosylǵan sýdy da ishýge jaramdy etedi. Bul jeli 100 lıtr laı sýdy 25 mınýtta tazartyp shyǵarady.
Injener Varvara Rýbe oǵan arnaıy reaktıv qosyp, laı sýdy tundyrǵan.
«Tehnologııalyq jeli erigen hımııalyq qospalardy ketiredi. Al, sýdyń sapasy joǵalmaıdy. Nátıjesinde osyndaı taza sý shyǵady. Mine, túsi de ózgergen. Tap – taza. Endi ony paıdalanýǵa bolady», - deıdi ol.
Ekologııalyq jobany Manash Qozybaev atyndaǵy Soltústik Qazaqstan memlekettik ýnıversıtetiniń qyzmetkerleri júzege asyrdy. Olar «Ǵylym qorynan» 143 mln teńge utyp aldy.
«Atalmysh ýnıversıtettiń ǵalymdary óz laboratorııalarynda sýdyń quramyn zerttep, anyqtap, jańa tehnologııalar arqyly tazartýǵa bolatynyn dáleldep, ǵylymı-zertteý jumystarynyń esebin jasaǵannan keıin bizden osyndaı qarjylandyrýǵa ıe bolyp otyr», - deıdi QR BǴM «Ǵylym qory» AQ jobalaý dırektsııasy dırektorynyń m.a. Nurtas Álisher.
Ǵalymdardyń aıtýynsha, Qazaqstanda óndiristik sýlar sırek tazartylady. Kóbine hımııalyq zattarmen birge ózenderge aǵyp ketedi. Sondyqtan bul jobanyń mańyzy aıtpasa da túsinikti.
