Petropavldyq bank kartasynan aqsha jymqyratyn hakerlik baǵdarlama jasaǵan
Oblystyq Іshki ister departamenti baspasóz qyzmetiniń aqparaty boıynsha, ustalǵannyń biri - 30 jastaǵy Petropavl turǵyny. Ol bank kartasynan jasyryny aqsha sheship alaatyn arnaıy baǵdarlama jasaǵan. Ol 1 myńnan 100 myń teńgege deıin aqsha jymqyryp kelgen. Hakerdiń áreketinen 14 adamǵa shyǵyn kelgen. Qazirgi ýaqytta keltirilgen shyǵyn somasy naqtylanyp jatyr.
Taǵy bir Petropavl turǵyny alaıaqtyń qurbany boldy. Onyń shotynan 6 mıllıon teńgeden astam qarjy joǵalǵan.
«Avtokólik satý týraly jarnama boıynsha belgisiz bireý habarlasyp, aldyn ala tólemdi bank kartasyna aýdarýdy suraǵan. Ol úshin ol kartochka nómiri men shot ıesiniń telefon nómirine kelgen kodty suraǵan. Alaıaq bul derekterdi paıdalanyp, qala turǵynynyń shotynan iri kólemdegi somany shyǵaryp alǵan. Alaıaqtar osyndaı aılamen taǵy bir petropavldyqty aldap ketken», - dedi baspasóz qyzmetinen.
Krımınaldyq polıtsııa basqarmasynyń aǵa jedel ýákili Vıtalıı Pochernın Olx, Krysha jáne Kolesa.kz, Instagram saıttaryndaǵy habarlandyrýlardy jiti tekserip, aldyn ala tólem jasamaýǵa keńes berýde.
«Eshqashan eshkimge jeke derekterińizdi, bank kartalaryńyzdyń pın-kodtaryn, shot nómirin, áleýmettik jelilerdegi logın men paroldaryńyzdy, kartanyń artqy betindegi kodty habarlamańyzdar. Antıvırýs ornatyp, ınternetten kúdikti eshteńe júktemeńizder», - dedi Vıtalıı Pochernın.
