Petropavldyń birneshe aýdany jaryqsyz otyr

PETROPAVL. KAZINFORM – Petropavldyń ortalyǵyndaǵy birneshe shaǵyn aýdany jáne Mıchýrıno eldi mekenini elektr qýatynsyz qaldy. Energetıkter eki saǵat ishinde jaryqty qosýǵa ýáde etti.

«Sevkazenergo» AQ baspasóz qyzmetiniń málimetinshe, búgin saǵat 16.21 mınýt ketkende «Soltústik Qazaqstan elektrjeli taratý kompanııasy» AQ qyzmetkerleri elektr qondyrǵylarynda tehnologııalyq qatelikti baıqaǵan.

Saldarynan Petropavldaǵy oblystyq ákimdik, «Rahmet» saýda úıi ornalasqan aýdan jáne qala mańyndaǵy Mıchýrıno eldi mekeni elektr qýatynan ajyratyldy.

Bul — 4 myńǵa jýyq abonent jáne 150-ge jýyq keńse-mekeme. 

Qazirgi ýaqytta 3 brıgada qalpyna keltirý jumystaryn júrgizip jatyr, sol mańdaǵy úılerdiń kóbine jaryq berildi. 

Búgin Soltústik Qazaqstan oblysynda boran soǵyp tur. Buǵan deıin joldardyń jabylǵanyn aıtqan edik.