Petropavldyq bloger beıádep sózderi úshin aıyppul arqalady

PETROPAVL. KAZINFORM – Petropavl turǵyny TikTok áleýmettik jelisinde bylapyt sózder aıtqany úshin jaýapkershilikke tartyldy.

Soltústik Qazaqstan oblystyq sotynyń málimetinshe, ákimshilik is Petropavl qalasynyń ákimshilik quqyq buzýshylyqtar jónindegi mamandandyrylǵan sotynda qaraldy. Sh. atty er adam TikTok áleýmettik jelisiniń belsendi paıdalanýshysy. Ol óziniń qatysýymen bylapyt, beıádep sózder aıtylǵan beınejazbany jurt nazaryna jarııalaǵan.

Sot ony QR Ákimshilik quqyq buzýshylyq týraly kodeksiniń 434-babynyń 1-bóligi – «usaq buzaqylyq» boıynsha kináli dep tanyp, 78 640 teńge mólsherinde aıyppul saldy. 

Sot qaýlysy zańdy kúshine endi.

Buǵan deıin Astanada bloger Erbolat Janabylovtyń jubaıyna qatysty sot protsesi bastalǵanyn jazǵan edik.