Petropavldan Shymkentke aıdyń sońyna qaraı áýe reısi ashylady

PETROPAVL. KAZINFORM – Petropavldan Shymkentke áýe reısi ashylady. Jospar boıynsha maýsymnyń 20-synan keıin eki qala arasynda aptasyna eki ret Boeing ushaǵy ushatyn boldy. 

«Qyzyl-jar halyqaralyq áýejaıy» JShS dırektorynyń orynbasary Serik Dáýletovtyń aıtýynsha, qyzmetti SCAT áýe kompanııasy kórsetedi.

«Boeing ushaǵy dúısenbi jáne beısenbi kúnderi ushatyn boldy. Ázirge bılet quny 25 myń teńge dep otyrmyz. Qazirgi ýaqytta Astana men Almatyǵa eki reıs bar. Astanaǵa kúnde, Almatyǵa dúısenbi men beısenbiden basqa kúnderi aptasyna bes ret ushaq ushady», - dedi Serik Dáýletov.

Buǵan deıin SQO-da «Keń dala 2» baǵdarlamasy boıynsha 40-qa jýyq fermer nesıe alǵanyn aıtqan edik.