Petropavldan Mysyrǵa ushatyn eń alǵashqy reıs 12 saǵat keshigip attandy
PETROPAVL. QazAqparat - Petropavldan Mysyrdyń Sharm-esh-Sheıh qalasyna ushatyn alǵashqy reıs 12 saǵatqa keshikti, dep habarlaıdy QazAqparat tilshisi.
Petropavldan Sharm-esh-Sheıh kýrortyna ushatyn eń alǵashqy reıstiń jolaýshylary tańǵy 4-te ushyp ketýge tıis bolatyn. Alaıda, 234 adam tek tústen keıin, saǵat 15:45-te demalysqa attandy.
«Petropavl - Sharm-Esh-Sheıh» reısiniń keshikkeni ras. Ushý aldyndaǵy daıyndyq kezinde qosymsha tehnıkalyq qyzmet kórsetý qajettigi týyndady. Basqa qaladan kelgen jolaýshylar qonaq úıge jaıǵastyryldy. Áýejaıdaǵy jolaýshylarǵa ystyq tamaq pen jyly kórpe berildi. Bekitilgen protsedýralarǵa sáıkes, ótemaqy alý boıynsha týrpaketti satqan týroperatorǵa habarlasý kerek. Áýe kompanııasy keshikken reıstiń jolaýshylarynan keshirim suraıdy. Bizge sizderdiń qaýipsizdigińiz bárinen mańyzdy» - deıdi «SSAT áýe kompanııasy» AQ qoǵammen baılanys bóliminiń jetekshisi Vıktorııa Starojılova.
