Petropavldan Mysyrǵa tikeleı reıs qaıta jandandy

PETROPAVL. KAZINFORM – Petropavl áýejaıynan Mysyrdyń Sharm-esh-Sheıh qalasyna tikeleı reıs qaıta jandandy. 

Qazaqstandyq áýe kompanııasynyń ushaǵy endi ár on kún saıyn eki eldi baılanystyrmaq. Bortta 213 oryn bar, alǵashqy saparǵa 208 jolaýshy attandy. Ushý ýaqyty shamamen 7 saǵat.

— Sharm-esh-Sheıh qalasyna bizdiń áýejaıdan birer jyl buryn ushaqtar qatynady. Keıin belgili sebeptermen toqtap qaldy. Reısti qaıta jolǵa qoıý máselesi uzaq ýaqyt qaraldy. Áýe kompanııalarymen talqyladyq. Janar-jaǵarmaı keshenin jańǵyrtyp, nátıjesinde alys saparǵa shyǵatyn áýe kemelerine qosymsha janarmaı quıý múmkindigi týdy.

Bul charterlik reıs bolǵanymen, turaqty túrde ushady. Suranys bar, — deıdi «Qyzyl-Jar halyqaralyq áýejaıy» JShS dırektorynyń orynbasary Ýálıhan Jylysbaev.

Qazir bul baǵytqa qyzyǵýshylyq qaıta artyp otyr.

— Petropavldan 2020 jyly da Mysyrǵa demalýǵa ushqan edim. Bılet baǵasy qoljetimdi, ári týra reıs, ushaqqa otyrý úshin basqa qalaǵa baryp qajet emes, únemdi, ári yńǵaıly, — deıdi jolaýshylardyń biri.

Qazirgi ýaqytta Petropavl áýejaıynan Astana, Almaty jáne Shymkent qalalaryna reıster bar.

Buǵan deıin Almaty áýejaıyndaǵy oqıǵa boıynsha is qaıta sotqa joldanǵanyn jazǵan edik.