Petropavldan Astana men Almatyǵa ushý baǵytyn jaqyn kúnderi jańartady
PETROPAVL. QazAqparat - Petropavldyq áleýmettik jeli qoldanýshylary Astana men Almatyǵa áýereıster kestesiniń joqtyǵy úshin abyrjýly, dep habarlaıdy «QazAqparat» HAA tilshisi.
Astana men Almatyǵa reıs jasaıtyn SCAT áýe kompanııasynyń saıtynda jáne 19 qańtar kúni Máskeýge ushatyn «Komıavıatrans» arqyly bılet satyp alý múmkin emes. Petropavl qalalyq áýejaıynyń dırektory Marat Hasenov áýe reısteriniń bolmaýy ýaqytsha ekendigin jáne jaqyn arada ushý baǵyttarynyń jańaratynyn aıtty.
«Áýe kompanııasynyń aqparatyna súıensek, reıster osy jyldyń 10 qańtaryna deıin jańarady. Olar bul jaǵdaıdy tehnıkalyq aqaýlar saldarynan dep túsindirýde. Áýejaı kez kelgen ýaqytta ushaq qondyrýǵa daıyn. Keste sol qalpynda qaldy, tek Almatyǵa aptasyna úsh ret emes, tek eki ret reıs jasalady. Avıakassalar osy aptadan jumys isteı bastaıdy. Máskeýge deıingi reısterge toqtalatyn bolsam, ony eshkim shektemedi. RF-daǵy jańajyldyq demalystarǵa baılanysty ushýdy oryndaıtyn áýe kompanııasymen baılanysý múmkin emes», - dedi Marat Hasenov.
