Petropavldaǵy jylý ortalyǵyndaǵy jaǵdaı turaqtalyp keledi
PETROPAVL. QazAqparat – Petropavldaǵy 2-jylý-elektr ortalyǵy sońǵy apattan keıin taǵy eki qazandyq agregatyn jáne bir týrbınany iske qosty, dep habarlaıdy QazAqparat tilshisi.
«SevKazEnergo» AQ baspasóz qyzmetiniń málimetinshe, 2-jylý-elektr ortalyǵyndaǵy jaǵdaı turaqtalyp keledi. Qazirgi ýaqytta kásiporyn jylý men elektr qýatyn úzdiksiz berip jatyr. Ortalyqta 4 qazandyq agregaty men 3 týrbogenerator jumys istep tur. Tikeleı keletin jelilik sýdyń temperatýrasy 62 gradýsqa jetti. Táýlik ishinde energetıkter taǵy bir qazandyq agregatyn qosýdy josparlap otyr.
Petropavldy jylýmen qamtý búgin tolyq qalpyna keledi. Mamandardyń aıtýynsha, ystyq sý tıisti mólsherde berilip jatyr, al elektr qýaty sóndirilgen joq.
Esterińizge salaıyq, 26 naýryz kúni keshki saǵat 21.30-da Petropavldaǵy № 2 jylý-elektr ortalyǵynda kezekti ret apat bolyp, birneshe qazandyq isten shyqty.
Keıin Energetıka mınıstrligi jylý ortalyǵyndaǵy apatqa qatysty jaǵdaıdy túsindirdi.
