Petropavldaǵy jylý-elektr ortalyǵynyń qaza tapqan jumysshysyna qatysty tergeý aıaqtaldy
PETROPAVL. QazAqparat – Petropavldaǵy jylý-elektr ortalyǵynyń qaza tapqan mashınısine qatysty tergeý aıaqtalyp, is quqyq qorǵaý organdaryna berildi, dep habarlaıdy QazAqparat tilshisi.
Quqyq qorǵaý organdary endi qańtar aıynyń basynda jumys ornynda denesiniń 80% kúıip, keıin Ombynyń kúıik ortalyǵynda qaıtys bolǵan mashınıske qatysty kásiporyn jumysshylarynyń kiná deńgeıin anyqtaıdy.
SQO memlekettik eńbek ınspektsııasy basqarmasynyń eńbek qaýipsizdigi jáne eńbekti qorǵaýdy baqylaý bóliminiń bas mamany, komıssııa tóraǵasy Gúlnara Myrzaqanovanyń aıtýynsha, tergeý on kúnge sozyldy.
Anyqtalǵany, sol kúni aýysymdy berý kezinde kúl shyǵaratyn qondyrǵynyń beldigi úzilip, shnek toqtap qalǵan. Saldarynan kúl tolyp qalǵan. Aýysym basshysy sol ýchaskege jaýapty temir ustasy men jumysshyny jiberedi. Jumysshy qondyrǵydaǵy arnaıy tesikke shlangi tyǵyp, sýmen jýǵan.
«Aýysymǵa kelgender óz jumys oryndaryna jaıǵasyp, kezekshilikte bolǵandar, sonyń ishinde zardap shegýshi de bar – tómenge túsken. Biraq aǵa mashınıst tártipke keltirýge eki adamdy ǵana: kómekshisi men jumysshyny jumsaǵan. Zardap shekken 8 qazandyqtyń mashınısti men 10 qazandyqtyń mashınısti olarmen ózderi erip barǵan. Zardap shegýshi qondyrǵyǵa jaqyndap, úlken esikti ashýdy usynǵan. Osy ýchaskege jaýapty mashınıst-aralaýshy ony toqtatpaǵan, «ash» dep ózi aýlaǵyraq ketken», - deıdi Gúlnara Myrzaqanova.
Qaıtys bolǵan jumysshy esikti ashqan kezde lap etken kúl men býdan kúıik alypty.
«Durys baqylaý bolmaǵan. Ol tómende bolmaýy kerek, esikti ashqany – tehnologııalyq protsesti buzǵany. Sol ýchaskede eńbek etetin jumysshylar ony ashpaý kerektigin bilgen. Barlyǵy mashınıstiń esikti nege ashqandyǵyn túsinbegenin aıtty. Múmkin qondyrǵynyń kúlden tazarǵanyna kóz jetkizbek boldy. Biraq ol úshin arnaıy tereze bar. Ári qazandyq jumysynda kinárat bolmaǵan», - deıdi Gúlnara Myrzaqanova.
Komıssııa bolǵan oqıǵanyń mán-jaıyn anyqtap, «óndiris jumysyn qanaǵattanarlyqsyz uıymdastyrý, eńbek jáne óndiristik tártipti saqtamaý jáne zardap shegýshi óreskel abaısyzdyqqa jol bergen» degen sheshim shyǵardy. Іstiń sońǵy núktesin quqyq qorǵaý organdary qoıady.
