Petropavldaǵy jarylys: zardap shekkender týraly málimet naqtylandy
PETROPAVL. QazAqparat – Petropavlda bes qabatty úıde bolǵan jarylystan eki adam qaza tapty, 13 adam aýrýhanaǵa jetkizildi, dep habarlaıdy QazAqparat tilshisi.
Soltústik Qazaqstan oblysy tótenshe jaǵdaılar departamenti baspasóz qyzmetiniń málimetinshe, tótenshe jaǵdaı bolǵan jerden 120 adam qaýipsiz jerge shyǵarylyp, Petropavldaǵy №2 orta mektepke ornalastyryldy.
Olarmen qazir psıhologtar jumys istep jatyr.
Jarylystan jaraqat alǵan 13 adam aýrýhanalarǵa jetkizildi. Olardyń ekeýi jansaqtaý bólimshesine túsip, bireýi qaıtys boldy. Al saǵat 18.42-de úıindi astynan áıel adamnyń denesi shyǵaryldy.
Qazir oqıǵa ornynda SQO TJD jeke quramynyń 83 mamany men 21 tehnıkasy jumys istep jatyr.
Buǵan deıin Petropavlda bes qabatty úıdiń birinshi qabatynda gaz ballonynyń jarylǵanyn habarlaǵan edik.
