Petropavldaǵy jańa Oqýshylar saraıy IT tehnologııalar ortalyǵyna aınalmaq
PETROPAVL. QazAqparat - QR Tuńǵysh Prezıdenti Qorynyń atqarýshy dırektory Qanat Jumabaev S.Muqanov atyndaǵy SQO kitaphanasyna 3 mln teńgeniń sertıfıkatyn syılady, dep habarlaıdy «QazAqparat» HAA tilshisi.
Atalǵan qarjy zamanaýı kompıýter qurylǵylaryn satyp alýǵa jumsalady.
«QR Tuńǵysh Prezıdenti Qorynyń kúnderi» baǵdarlamasynyń aıasynda biz óńirlerdi aralap júrmiz. Ótken jyly 146 jobany iske asyrdyq. Ár oblysta kem degende bir jobany iske asyrýǵa tyrysýdamyz. Strategııalyq baǵdarlamalar josparyn adam kapıtalyn damytý arqyly ǵana sheshýge bolady. Ol úshin arnaıy platforma qajet»,-dedi Qanat Jumabaev.
SQO ákimi Qumar Aqsaqalov óńirdegi atqarǵan jumystary úshin delegatsııaǵa rahmet aıtyp, oblystaǵy ońdy ózgerister jóninde qysqasha aıtyp ótti.
«Biz birneshe salaǵa jańa tehnologııalardy qoldanamyz. Bizde IT tehnologııalar ortalyǵyna aınalatyn Oqýshylar saraıy salynyp jatyr. Birneshe jobany birge iske asyrýdy usynamyn», - dedi Qumar Aqsaqalov. 
