Petropavldaǵy jaǵymsyz ıistiń qaıdan shyqqany belgisiz - mamandar
PETROPAVL. QazAqparat - Petropavldaǵy gazǵa uqsas qatty ıiske qatysty ulttyq saraptama ortalyǵy atmosferalyq aýanyń synamasyn alyp, zertteý qorytyndysyn jarııalady, dep habarlaıdy QazAqparat tilshisi.
Ulttyq saraptama ortalyǵynyń mamandary keshe kúndizgi 16.00-de shaǵym kóp túsken Borıs Petrov kóshesiniń boıyna baryp, atmosferalyq aýanyń synamasyn aldy. Búgin qorytyndysyn tilshiler qaýymyna jarııalady. Aýadaǵy metannyń mólsheri shekti ruqsat etilgen kontsentratsııadan aspaıdy. ıAǵnı, densaýlyqqa keler zııan joq.
«Aýanyń bir tekshe metrindegi metannyń shekti ruqsat etilgen mólsheri - 50 mg. Zerthana qorytyndysy onyń shamasy 1,27 mg aspaıtynyn kórsetti. Budan basqa túngi 1.00 men tańǵy 4.00 aralyǵynda bizdiń qyzmetkerler jumys istep, 6 jerden aýa synamasyn aldy. Nátıjesi daıyn. Aýadaǵy gaz mólsherden aspaıdy», - deıdi Petropavl qalasy taýarlar men kórsetiletin qyyzmetterdiń sapasy men qaýipsizdigin baqylaý basqarmasynyń basshysy Áset Jumataev.
Ekinshi jaǵdaıda mamandar aýa quramyndaǵy kúkirtti sýtek, azot totyǵy, ammıak, fenol, formaldegıd, metılmerkaptan sııaqty onǵa jýyq ýly zattardyń shamasyn anyqtapty.
«Qandaı ıis ekenin, ne gaz ekenin aıta almaımyz. Biz ulttyq saraptama ortalyǵy múmkindik beretin zertteýlerdi júrgizdik. Qalǵan tıisti mekemeler de óz tarapynan zertteý jasap jatyr, nátıjesin aıtady. Káriz júıesinen shyqqan gaz bolýy múmkin», - deıdi Áset Jumataev.
Buǵan deıin qala turǵyndarynyń jaǵymsyz ıiske shaǵymdanǵanyn aıtqan bolatynbyz. Qazir osy jaǵdaıǵa baılanysty quramyna oblys, qala ákimdiginiń ókilderi, ókiletti memlekettik organdar qyzmetkerleri kirgen jedel shtab jumys istep jatyr.
