Petropavldaǵy turǵyn úıde bolǵan órtten 23 adam qutqaryldy
PETROPAVL. QazAqparat - Petropavldaǵy turǵyn úıden órt shyǵyp, 23 adam qaýipsiz jerge kóshirildi, dep habarlaıdy QazAqparat tilshisi.
Tótenshe jaǵdaılar departamenti baspasóz qyzmetiniń málimdeýinshe, 7-qabattaǵy tambýrdyń qoımasy órtenip, joǵary qabattar qara tútinge oranǵan.
Órtten 23 turǵyn, sonyń ishinde 9 bala evakýatsııalanǵan.
Órt týra 15 mınýtta aýyzdyqtalyp, taǵy 9 mınýttan soń tolyqtaı sóndirilgen. Jalynnyń kórshiles ornalasqan páterlerge ótýine jol berilmedi.
Tilsiz jaý eki páterdiń tambýryndaǵy buıymdarǵa zaqym keltirgen.
Zalaldyń mólsheri aıqyndalyp jatyr.
Avtory: Olesıa Jýkoven
