Petropavldaǵy travmatologııa pýnktine eki kún ishinde 100 adam túsken
PETROPAVL. QazAqparat - Petropavl qalalyq №3 aýrýhanasynyń travmatologııa pýnktine eki kúnniń ishinde 100 adam kelgen, dep habarlaıdy QazAqparat tilshisi.
Kún saıyn travmatologııaǵa 50 adam keledi. Travmatologııalyq pýnktiniń meńgerýshisi, travmatolog-dáriger Valerıı Grıbashovtyń aıtýynsha, byltyrmen salystyrǵanda bıyl zardap shegýshiler sany eki ese az.
«Kóktaıǵaq kezinde bolatyn jaraqattar bar, ol - «jaryq» synyǵy, ıaǵnı ıyqtyń synýy. Bul adamdardyń qulaǵan kezde qolymen jerdi tireýinen paıda bolady. Bir táýlik ishinde ıyq jaraqatyn alǵan 7 adam keldi. Barlyǵy muzǵa taıyp, kóshede qulaǵandar. Kelesi kúni de 7 adam tústi. Olardyń basym bóligi 60-70 jastan asqan egde jastaǵy adamdar», - dedi V. Grıbashov.
Jedel emdeýde bir naýqas jatyr. Qalǵandaryna repozıtsııa jasap, ambýlatorlyq em qabyldaý úshin úılerine jibergen.
