Petropavldaǵy tórt mektepke qazaqtyń uly tulǵalarynyń esimderi beriledi

PETROPAVL. QazAqparat – Petropavldaǵy 4 mektepke Smaǵul Sádýaqasovtyń, Álıhan Bókeıhannyń, Ahmet Baıtursynulynyń jáne Qajymuqan Muńaıtpasovtyń esimderi berilmek. QR Úkimetiniń qaýlysy ashyq normatıvtik-quqyqtyq aktiler saıtynda jarııalandy, dep habarlaıdy QazAqparat tilshisi.

Petropavldyń 4 mektebine Alash qaıratkerleriniń esimderin berý týraly Soltústik Qazaqstan oblystyq onomastıka komıssııasynyń usynysy Úkimette qaralyp, qoldaý tapty. Tıisti qujat ashyq normatıvtik-quqyqtyq aktiler saıtynda jarııalanyp, kóptiń talqysyna usynyldy. Qoǵamdyq talqylaý 2022 jyldyń 5 qańtaryna deıin jalǵaspaq.

Qujatqa sáıkes Petropavl qalalyq № 25 jalpy bilim beretin orta mektepke – qoǵam qaıratkeri, Alash partııasynyń jetekshisi Álıhan Bókeıhannyń, №2 orta mektepke – memleket, saıası, mádenıet qaıratkeri, SQO týmasy Smaǵul Sádýaqasulynyń, №9 orta mektepke qazaqtyń aqyny, qoǵam qaıratkeri, aǵartýshy, Alash Orda ókimetiniń múshesi Ahmet Baıtursynulynyń esimi beriledi.

Al ulttyq sport túrlerinen oblystyq balalar men jasóspirimder sport mektebi qazaqtyń tuńǵysh kásipqoı balýany Qajymuqan esimimen atalmaq.

Petropavl mektepterine Alash qaıratkerleriniń esimderin berý týraly Soltústik Qazaqstan oblystyq máslıhaty 7 shaqyrylymynyń kezekten tys ótken sessııasynda sheshim qabyldanǵan edi.