Petropavldaǵy temirjol vokzalynyń ǵımaratynan adamdar evakýatsııalandy
PETROPAVL. QazAqparat - Soltústik Qazaqstan oblystyq TJD kezekshilik bólimine temirjol vokzalynyń kútý zalynda ıesiz jatqan sómke týraly telefon habarlamasy kelip túsken, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Oqıǵa ornyna polıtsııa qyzmetkerleri men barlyq arnaıy qyzmet jetti. Temirjol vokzaly qorshaýǵa alynyp, 114 adam, sonyń ishinde vokzal qyzmetkerleri men jolaýshylar evakýatsııalandy.
Tekseris barysynda paketten kúdikti eshteńe tabylmady. «Vıdeobaqylaý kameralary paketti «Petropavl-Máskeý» baǵytyndaǵy jolaýshylar poıyzyna adamdarmen birge minip ketken áıeldiń tastap ketkenin kórsetti. Ol baıqaýsyzda qaldyryp ketken. Saǵat 18:48-de «toqtatý» buıryǵy berildi», - dedi baspasóz qyzmeti.
Polıtseıler qoǵamdyq tártipti buzýshylyq oryn almaǵandyǵyn jáne poıyzdyń qozǵalys grafıgi shtattyq rejimde jalǵasyp jatqandyǵyn atap ótti.
