Petropavldaǵy órt tolyq sóndirildi
PETROPAVL. QazAqparat - «Krıstall» oıyn-saýyq ortalyǵyndaǵy órt tolyqtaı sóndirildi, dep habarlaıdy «QazAqparat» HAA tilshisi.
SQO TJD málimetinshe, keshennen 10 adam qaýipsiz jerge kóshirilgen. Órtten qaza bolǵandar nemese zardap shekkender týraly málimet joq. Shyǵyndar anyqtalyp jatyr.
«Órt týraly habar 17:44-te tústi. Mamandar oqıǵa ornyna jetken ýaqytta ǵımarat qoıý tútinge kómilip, shatyr órtenip jatqan. Órt deńgeıine eń joǵary - úshinshi sanat berildi. 16 tehnıka birligi jáne jeke quramnyń 63 adamy tartyldy»,-dep habarlaıdy TJD baspasóz qyzmeti
18:19 da bastalǵan órt sóndirý jumystary 18:40-ta tolyqtaı aıaqtaldy.
Ǵımarattyń 120 sharshy metri búlinip, 30 sharshy metr shatyr bóligi janyp ketti. Órt shalǵan aýmaqtyń jalpy kólemi 150 sharshy metr.
