Petropavldaǵy Mır kóshesine Nursultan Nazarbaevtyń esimi berildi

PETROPAVL. QazAqparat - Petropavldaǵy Mır kóshesi budan bylaı Nursultan Nazarbaevtyń esimimen atalady. Qalalyq máslıhattyń depýtattary kóshege Elbasy esimin berý sheshimin biraýyzdan qoldady, dep habarlaıdy QazAqparat tilshisi.

Petropavl qalasynyń turaqty komıssııasynyń otyrysynda máslıhat depýtattary qala ákiminiń orynbasary Evgenıı Glotovtyń usynysyn biraýyzdan qoldap, daýys berdi.

Petropavldaǵy Mır kóshesi - eń uzyn ortalyq kóshelerdiń biri. Shamamen 7 shaqyrymǵa sozylyp jatyr. Qaladaǵy negizgi jáne mańyzdy nysandardyń kópshiligi osy kóshede ornalasqan.

Petropavl qalasy ákiminiń orynbasary Evgenıı Glotovtyń aıtýynsha, byltyr tolyǵymen abbattandyryldy. Jaryq berý júıesi aýystyrylyp, aǵashtar egildi, kóshe joldary jóndeldi.

«Bul kóshe tarıhı mańyzdy tulǵa - Elbasynyń esimimen atalýǵa laıyq. Qala úlkeıip, damyp keledi. Bul kóshede qalanyń eski bóligi de, jańa yqsham aýdandary da ornalasqan. Bolashaqta osy kóshege eskertkish ornatyp, saıabaq ashý josparlanǵan», - deıdi qalalyq máslıhattyń depýtaty Pavel Afanasev.

Bul sheshim endi Respýblıkalyq onomastıkalyq komıssııada qaralmaq.