Petropavldaǵy mektepte karantınge baılanysty sabaq toqtatyldy
PETROPAVL. QazAqparat – Petropavlda tumaý men JRVI-diń órshýine baılanysty mektepterdiń biri karantınge jabyldy, dep habarlaıdy QazAqparat tilshisi.
Qalalyq bilim berý bóliminiń málimeti boıynsha, №6 mekteptegi oqý toqtatylǵan. №9, 5, 24, 26 mektepteri men «BEST» gımnazııasynyń keıbir synyptary da karantınge jabyldy. «Sabaqtar 5-7 kún aralyǵynda bolmaıdy, májbúrli demalystar balalardyń sabaq úlgerimine áser etpeıdi»,- dedi bilim bólimindegiler.
Eger aýyrǵanyna baılanysty sabaqqa synyptyń 20%-y nemese odan da kóp oqýshysy qatyspasa oqý protsesin toqtatý týraly sheshimdi mektep ákimshiligi qabyldaıdy. Eger mekemedegilerdiń 30%-y nemese odan da kóbi bolmasa, dırektordyń buıryǵymen mektep jabylady.
Buǵan deıin Taýarlar men kórsetiletin qyzmetterdiń sapasy men qaýipsizdigin baqylaý departamenti sońǵy aptada JRVI juqtyrǵan oqýshylardyń sany artqanyn habarlaǵan bolatyn.
Avtory: Olesıa Jýkoven
