Petropavldaǵy lıftilerdiń jartysyn almastyrý qajet
PETROPAVL. QazAqparat - Petropavldaǵy 350 lıftiniń tozyǵy jetken 178-in almastyrý qajet, dep habarlaıdy QazAqparat tilshisi.
Ony Soltústik Qazaqstan oblysynyń ákimdiginde ótken otyrysta Petropavl basshysy Bolat Jumabaev aıtty. Ákimniń sózine qaraǵanda, merzimi ótken lıftilerdiń sany jyl saıyn artpasa, kemimeıdi. Al 2011 jyldan beri qalada nebári 32 lıft jóndelgen.
Jergilikti bılik «Qazaqstan Respýblıkasynyń keıbir zańnamalyq aktilerine turǵyn úı-kommýnaldyq sharýashylyq máseleleri boıynsha ózgertýler men tolyqtyrýlar engizý týraly» zań jobasynyń bekitilýine úmit etip otyr. Atalǵan zań jobasynyń bir tarmaǵy turǵyn úı ınspektsııalarynyń gazben qamtý jáne lıftilerge qyzmet kórsetý salasyndaǵy quzyret aıasyn keńeıtý bolmaq.
«Sońǵy ret lıftiler 2011-2012 jyldary jóndelgen. Jańa zań qabyldansa, biz olardy almastyrýǵa nemese jóndeýge bıýdjetten qarajat bóle alamyz. Qarajat jınaý qajet. Zań neǵurlym tezirek qabyldansa, biz de lıftilerdi soǵurlym erterek jóndeýge jibere alamyz. Shamamen 2 mlrd teńge qajet», - dedi oblys ákimi Qumar Aqsaqalov.
Óńir basshysy Petropavl eń aldymen qaı úılerdiń lıftilerin jóndeý kerektigin anyqtaýdy tapsyrdy.
Avtor: Olesıa Jýkoven
