Petropavldaǵy kommýnaldyq bazar órtendi
PETROPAVL. QazAqparat - Petropavlda «Qyzyljar» kommýnaldyq bazary órtendi, dep habarlaıdy QazAqparat tilshisi.
Tańerteń úsh qabatty ǵımaratta órt tutanǵan. Bul jaıly habar órt sóndirý bólimshesine tańǵy 10-00-der shamasynda kelip túsken.
Soltústik Qazaqstan oblysy tótenshe jaǵdaılar departamentiniń bastyǵy Ramıl Kamalovtyń aıtýynsha, órt sóndirý bólimsheleriniń mamandary oqıǵa ornyna bes mınýtta jetken.
«Qazirgi kezde jaǵdaı baqylaýda, qoıý qara tútin men aptap ystyq órtti sóndirýdi qıyndatyp jatyr. Bul órt sóndirýshilerdiń ishte jáne syrtta jumys isteýine kedergi keltirýde», - deıdi R. Kamalov.
90-nan astam adam evakýatsııalanǵan. Ázirge qurban bolǵandar nemese zardap shekkender týraly aqparat joq.
Órtti sóndirýge 45 adam jáne 14 tehnıka jumyldyrylǵan.
Oqıǵanyń sebepteri tekserilip jatyr.
