Petropavldaǵy gir sporty festıvaline qyzdar qatysady
PETROPAVL. QazAqparat - Petropavlda alǵash ret gir sporty festıvali ótýde, dep habarlady «QazAqparat» HAA tilshisi.
Festıvalǵa Qazaqstan, Reseı, Ýkraına, Belarýs óńirlerinen sportshylar keldi. Oǵan ár jastaǵy, túrli salmaqta 150-den astam sportshy qatysady.
SQO-dan 80-ge jýyq gir sportshylary keldi. Olardyń ishinde balalar jasóspirimder klýby men joǵary sport sheberligi mektebiniń tárbıelenýshileri de bar.
«Jarysqa 30-dan astam tárbıelenýshilerim qatysýda, onyń ishinde 12-16 keli girmen óner kórsetetin 20 boıjetken bar. Sońǵy jyldary qyzdar kóptep kelýde. 8 keliden bastalady. Men de «10 mınýt girmen julqa tartý» nomınatsııasy boıynsha qatysamyn», - dedi gir sporty boıynsha QR sport sheberi Sergeı Gýtevıch.
Sportshy óńirde bul sport túri qarqyndy damyp kele jatqanyn atap ótti. Qazirde 150-den astam adam bar. Sergeı Gýtevıchtiń aıtýynsha, jyl saıyn respýblıka chempıonatynda soltústikqazaqstandyqtar jeńiske jetetin kórinedi.
