Petropavldaǵy demalys saıabaǵynyń ataýy Tuńǵysh Prezıdent saıabaǵy dep ózgeredi
PETROPAVL. QazAqparat - Petropavlda qalalyq mádenıet jáne demalys saıabaǵynyń atyn Tuńǵysh Prezıdent saıabaǵy dep ózgertý boıynsha qoǵamdyq tyńdalym ótti, dep habarlaıdy «QazAqparat» HAA tilshisi.
Qalalyq mádenıet jáne tilderdi damytý bóliminiń basshysy Mafrýza Naýanova habarlaǵandaı, quramynda Petropavldyń qurmetti turǵyndary men ardagerleri bar bastamashylyq toptan saıabaqtyń atyn ózgertý týraly ótinish túsken.
«Ótinish qaladaǵy aýdandardyń atyn ózgertý boıynsha usynystarmen aınalysatyn jumys tobynyń otyrysynda qaraldy. Jumys tobynyń músheleri mádenıet jáne demalys saıabaǵynyń atyn Tuńǵysh Prezıdent saıabaǵy dep ózgertý týraly ótinishti biraýyzdan qabyldady. Materıaldar qalalyq máslıhatqa joldandy», - dedi M.Naýanova.
Qazirgi tańda saıabaqty qaıta qurý jumystary júrgizilip jatyr.
