Petropavldaǵy botanıkalyq baq jekeshelendirýge qoıyldy
PETROPAVL. QazAqparat - Soltústik Qazaqstan oblysynla ornalasqan biregeı botanıkalyq baq jekeshelendirýge qoıyldy, dep habarlaıdy «QazAqparat» HAA tilshisi.
Resmı ataýy «Petropavl qalalyq ákimdigi «Petropavl qalalyq bilim bólimi» memlekettik mekemesi «Qyzyljar oranjereıasy» memlekettik kommýnaldyq qazynashylyq kásiporyny» dep atalatyn oranjereıa Soltústik Qazaqstan oblysynyń 2017 jyly básekelestik ortaǵa beriletin kommýnaldyq uıymdardyń tizimine engizilgen.
«Memleket basshysy Joldaýda atap ótkendeı, Yellow Pages Rule qaǵıdasyn qoldaný arqyly memlekettiń ekonomıkadaǵy qyzmet túrleriniń 47%-yn tómendetýge óz septigin tıgizgen. 2020 jylǵa deıin osy qaǵıdalarǵa sáıkes kelmeıtin memlekettiń qaramaǵyndaǵy barlyq kásiporyndar men uıymdardy jeke sektorǵa berý qajet nemese jabý kerek», - dep aıtty qarjy basqarmasy basshysynyń orynbasary Marat Jamalıev.
Onyń aıtýynsha, 2017 jyly Soltústik Qazaqstan oblysynda básekelestik ortaǵa beriletin 68 kommýnaldyq uıymdardyń qatarynda botanıkalyq baq ta kirgizilgen.
Botanıkalyq baqtyń negizin salýshy, QR eńbek sińirgen agronomy Ravıl Rıazapov jekeshelendirý - oranjereıanyń qyzmetine keri áser etedi dep sanaıdy. Ol baqtyń shyǵyndarynyń kóp ekenin alǵa tartyp, birde-bir kásipkerdiń shyǵynǵa ushyraǵysy kelmeıtinin aıtty.
Áleýmettik jelidegi «Ravıl Rıazapovtyń botanıkalyq baǵy» atty topta qala turǵyndarynyń oranjereıany jeke menshikke berý týraly pikirin bilýge arnalǵan saýalnama bastaldy.
114 jyldyq tarıhy bar Petropavldaǵy bul baq Halyqaralyq botanıkalyq baqtar qaýymdastyǵyna engizilgen.
