Petropavldaǵy JEO-2-niń jańa tútin murjasy bıyl iske qosylady
PETROPAVL. KAZINFORM – Soltústik Qazaqstan oblysynda jylytý maýsymyna daıyndyqqa 44 mlrd teńge jumsalady. Bul qarjynyń 33 mlrd teńgeden astamy jeke ınvestıtsııalar.
SQO ákimdiginiń málimetinshe, jóndeý naýqany kestege saı júrip jatyr. «Sevkazenergo» AQ jóndeý jumystaryna bıyl 27 mlrd teńge jumsaıdy. Sonyń ishinde Petropavl JEO-2-de qazan agregaty men týrboagregat qalpyna keltiriledi, 3 qazan men 2 týrboagregat kúrdeli jóndeledi, 8 qazan agregaty men 4 týrboagregatqa aǵymdaǵy jóndeý júrgizilip, tútin murjasynyń qurylysyn aıaqtalady.
«Petropavl jylý jelileri» jóndeý jumysyna 1,5 mlrd teńge bóldi. Bul qarajatqa 6,37 km jylý jelilerin jóndeý, 0,9 km jańartý, 4 km jylý oqshaýlaýyshyn qalpyna keltirý josparlanǵan. Oblystyń elektr jelilik kásiporyndary sýyq túskenshe 1,5 km elektr berý jelilerin jáne 221 qosalqy stantsııany jóndep, 201 km jelini qaıta qurmaq.
Aýdandarda jylytý maýsymy bastalǵanǵa deıin 484 qazandyqty, 636 bilim berý nysanyn, 364 densaýlyq saqtaý, 162 mádenıet nysanyn jáne 1,5 myń kópqabatty úıdi daıyndaý mindeti tur. Sondaı-aq 11 jańa qazandyq satyp alynyp, 6,3 km jylý jelileri jóndeledi.
Buǵan deıin Premer-mınıstr Oljas Bektenov aldaǵy úsh aıda oblys ákimderi atqarýy tıis birqatar mindetterdi atap ótken edi, onyń ishinde jylytý maýsymyna daıyndyq – sonyń negizgisi.