Petropavldaǵy JEO-2 aqaý shyǵyp, mamandar júıeni qalypqa keltirip jatyr
PETROPAVL. KAZINFORM – Petropavldaǵy 2-Jylytý-elektr ortalyǵyndaǵy sý júıesine zaqym keldi.
«Sevkazenergo» AQ baspasóz qyzmetiniń málimetinshe, oqıǵa búgin saǵat 6.32-de bolǵan. Aqaý deaerator aýdanynda qorektendirý sý júıesinde shyǵyp, stantsııanyń negizgi jabdyǵyn ajyratatyn avtomatıka shtattyq rejımde iske qosyldy.
- Bizdiń mamandar zaqymdanýdy tez arada toqtatyp, qazirgi ýaqytta júıeni qalpyna keltirýge kúsh salyp jatyr.
Jylýdy tasymaldaý tsırkýlıatsııasyna, ózindik qajettilikterge jalpy zaqym kelgen joq, sondyqtan qalany jylýmen qamtamasyz etip jatyrmyz. Biraq jylý berý parametrleriniń qysqa merzimdi shamaly aýytqýy bolýy múmkin. Stantsııanyń jumysy saǵat 17:00-ge deıin qalpyna keltiriledi, - delingen baspasóz habarlamasynda.
Aıta keteıik, 2023-2024 jyldary Petropavl JEO-2-de 6 qazandyq agregat pen 2 týrboagregatqa kúrdeli, 7 qazandyq agregat pen 6 týrboagregatqa aǵymdaǵy jóndeý júrgizildi, qosalqy jabdyq jóndeldi. Budan bólek № 1 tútin murjasy oqpanynyń qurylysy aıaqtaldy. Sondaı-aq 40 Gkal astam jylý qýatyn berý úshin №1 týrboagregatty qaıta jańartylyp jatyr.
Buǵan deıin mamandar Petropavl JEO-2-niń resýrsy eki-úsh jylǵa jetetindigin aıtqan edi.
Sondaı-aq Petropavlda opyrylǵan murjanyń ornyna salynǵan jańasy keler jylytý maýsymynda ǵana iske qosylatynyn jazǵan edik.