Petropavldaǵy jańa kópir qurylysy qashan aıaqtalady
PETROPAVL. KAZINFORM – Petropavlda qurylysy 2023 jyly bastalǵan avtomobıl kópiriniń paıdalanýǵa berý merzimi taǵy da shegerildi.
Petropavlda Jumysshy kentimen qosatyn kópirdiń júktemesin azaıtý maqsatynda temirjol ústinen avtoótkel salynyp jatyr. Jospar boıynsha ol bıyl jyl sońyna deıin berilýi tıis edi.
Petropavl qalasy ákimi baspasóz qyzmetiniń málimetinshe, jumys kestesinen aıtarlyqtaı keıin qalýyna baılanysty «BÝKA» JShS-men jasalǵan kelisimshart 2025 jyldyń qazan aıynda buzyldy. Qazir qurylysty aıaqtaý úshin jańa merdiger – «Qurylys Servıs SK» JShS-men kelisimshart bar.
- Búginde nysan shamamen 75% daıyn. Bul joba qala úshin óte mańyzdy. Ótkel temirjol boıymen qaýipsiz qozǵalysty qamtamasyz etedi, Karavan kóshesindegi júktemeni azaıtady jáne Jumysshy kentin ortalyqpen baılanystyrady. Joba aıasynda Ýnıversal jáne O. Koshevoı kósheleri de qaıta jańǵyrtylyp, aıaldamalar ornatylady jáne marshrýttyq jeli jańartylady, - delingen baspasóz habarlamasynda.
Qalalyq ákimdik avtoótkeldi 2026 jyldyń jazynda paıdalanýǵa berýdi josparlap otyr.
Buǵan deıin Petropavlda sot zańsyz boı kótergen kópqabatty úıdi tolyq buzýǵa sheshim shyǵarǵanyn jazǵan edik.