Petropavldaǵy jańa emhana jabylmaıdy
PETROPAVL. KAZINFORM – Petropavlda «Bereke» shaǵyn aýdanyndaǵy emhana turǵyndardyń narazylyǵynan keıin jumysyn jalǵastyratyn boldy.
Buǵan deıin áleýmettik jelide osy aýdannyń turǵyndary jalǵyz emdeý mekemesiniń jabylaıyn dep jatqanyn jazyp, dabyl qaqqan edi.
Aıtýlarynsha, syrqattardy basqa aýdandardaǵy emhanalarǵa aýystyrmaq bolǵan. Osyǵan baılanysty Soltústik Qazaqstan oblystyq densaýlyq saqtaý basqarmasy túsinik berdi.
- «№2 qalalyq emhana» ShJQ KMK basshylyǵy jekelegen bólimsheler qurylymyn ońtaılandyrý jáne jumys isteý tıimdiligin arttyrý aıasynda qaıta uıymdastyrý týraly derbes sheshim qabyldaǵan bolatyn. Atap aıtqanda, bul sheshim kadrlyq jáne materıaldyq-tehnıkalyq resýrstardy qaıta bólýge qatysty boldy, sonyń biri - medıtsınalyq qyzmetterdiń bir bóligin «Bereke» shaǵyn aýdanynda ornalasqan fılıaldan mekemeniń basqa mekenjaılardaǵy fılıaldaryna aýystyrý.
Alaıda, jaǵdaıdy taldaý jáne monıtorıng barysynda, sondaı-aq «Bereke» shaǵyn aýdany turǵyndary tarapynan kóptegen ótinishterge oraı bul sheshim aýmaqta alǵashqy medıtsınalyq-sanıtarlyq kómek kórsetýdiń qoljetimdiligi men sapasyna teris áser etetini belgili boldy. Osyǵan baılanysty emhana basshylyǵy buryn qabyldanǵan sheshimdi qaıta qarady, - delingen basqarma baspasóz qyzmetiniń jaýabynda.
ıAǵnı, «Bereke» shaǵyn aýdanyndaǵy emhana jumysyn jalǵastyra beredi.
- Sonymen qatar, halyqtyń medıtsınalyq qyzmetterge qajettilikterin keshendi taldaý bastaldy, sondaı-aq marshrýttaý tıimdiligin jáne qajetti kómek túrlerine qoljetimdilikti arttyrý maqsatynda patsıentterdiń logıstıkasy qaıta qaraldy.
Jaǵdaıdy obektıvti baǵalaý úshin Soltústik Qazaqstan oblysy ákimdiginiń densaýlyq saqtaý basqarmasy basshysynyń orynbasary monıtorıngtik maqsatpen emdeý mekemesinde boldy. Emhana ujymymen kezdesý ótkizilip, fılıaldy odan ári damytý, kadrlyq áleýetti qamtamasyz etý, materıaldyq-tehnıkalyq bazany jaqsartý jáne kórsetiletin medıtsınalyq qyzmetterdiń sapasy jóninde usynystar ázirlendi, - delingen jaýapta.
Buǵan deıin SQO-da byltyr úsh adam brýtsellez juqtyrǵanyn jazǵan edik.