Petropavldaǵy tergeý ızolıatorynda otyrǵan kúdikti ózin órtedi

PETROPAVL. KAZINFORM — Petropavldaǵy Zarechnyı kentindegi tergeý ızolıatorynda otyrǵan er adam ózin órtep, kúıik aldy.

Bul týraly aqparat aldymen áleýmettik jelide tarady.

37 jastaǵy kúdikti aıaǵyna dárethana qaǵazyn orap, ózin órtep jibermek bolǵan. Kúıik alǵan er adamǵa Petropavldaǵy emdeý mekemeleriniń birinde kómek kórsetildi. 

Soltústik Qazaqstan oblysy boıynsha qylmystyq-atqarý júıesi departamentiniń baspasóz qyzmeti bolǵan oqıǵany rastady. 

— Petropavl qalasynyń tergeý ızolıatorynda adam óltirdi degen kúdikpen otyrǵan er adam óz-ózin órteýge áreket jasady. Qabyldanǵan sharalar nátıjesinde órttiń aldy alyndy. Densaýlyq jaǵdaıy qanaǵattanarlyq. Aýrýhanaǵa jatqyzýdyń qajeti joq. Er adammen psıholog jumys isteıdi. Atalǵan fakti boıynsha qyzmettik tekserý júrgizilip jatyr, — delingen vedomstvonyń resmı jaýabynda.

Esterińizge salaıyq, buǵan deıin SQO-daǵy kolonııalardyń birinde jazasyn óteýshiler ózin jaraqattaǵanyn jazǵan edik.