Petropavldaǵy SQÝ kolledji bıyl jabylmaıdy — SQO bilim basqarmasy

PETROPAVL. KAZINFORM — Petropavldaǵy jekemenshik Soltústik Qazaqstan ýnıversıteti jańa oqý jylynda jabylmaıdy. Soltústik Qazaqstan oblysynyń bilim basqarmasy oqý ornynyń stýdentteri jáne olardyń ata-analarymen, jýrnalıstermen kezdesip, dúrligýge negiz joqtyǵyn aıtty.

Osydan bir apta buryn áleýmettik jelide «SQÝ kolledji jabylaıyn dep jatyr» degen alyp-qashpa sóz tarady. Jekemenshik oqý ornynyń basshylyǵy bul aqparatty rastamady, joqqa da shyǵarmady. 

SQO bilim basqarmasynyń basshysy Aınagúl Suraǵanova búgin ata-analarmen, jýrnalıstermen kezdesip, osy oqıǵaǵa qatysty túsinik berdi. 

«Bir de bir stýdent dalada qalmas úshin kelissóz júrgizildi. Men muny óz baqylaýyma aldym. Ár stýdent óz mamandyǵy boıynsha oqýyn bitirip, dıplomyn alady. ıAǵnı bıylǵy jańa oqý jylynda kolledj jumysyn jalǵastyryp, jastar tıisti bilim alady. Desek te bıyl kolledjge jańadan stýdentter qabyldanbaıdy. Áleýmettik mańyzyn eskere otyryp, sondaı-aq, stýdentterdiń quqyǵy bar, oqý jyly bitkenshe oqý ornynyń jabylýyna jol bermeımiz, buǵan kepildik beremiz», — dedi Aınagúl Suraǵanova.

Qazirgi ýaqytta SQÝ kolledjiniń 310 stýdenti bar, olar 6 baǵyt boıynsha bilim alyp jatyr. Jastardyń 246-sy bıýdjettik negizde oqıdy. 26 pedagog jumys isteıdi. 

«Basqa kolledjder keıin osy SQÝ kolledjiniń stýdentterin ózine alý úshin jańa mamandyqtar ashady, búginde qajetti málimet jınap jatyr. Sol sııaqty bıýdjettik oryndar, shákirtaqysy saqtalady. Ustazdar da jumyspen qamtylady», — dedi basqarma basshysy.

Aıta keteıik, SQO-da 24 kolledj bar, onyń beseýi — jekemenshik. 12-si aýdandarda ornalasqan. Bul oqý oryndarynda 10 myńnan astam jas bilim alsa, sonyń 1,4 myńy qazaq tilinde oqıdy.