Petropavldaǵy skeıt alańdary buzylyp, balalarǵa qaýipti orynǵa aınalǵan
PETROPAVL. KAZINFORM – Petropavldaǵy skeıt alańdaryna kúrdeli jóndeý qajet.
Qalada bir emes, eki skeıt alańy bar, alaıda onyń ekeýi de búginde jaramsyz kúıge túsken.
Turǵyndardyń aıtýynsha, Meşan ormanynda ornalasqan nysan qystan buzylyp shyqqan, qazir ol jerge balalaryn oınaýǵa jiberýge qorqady. Keı jabdyqtardyń temir qańqasy ár jerden shoshaıyp tur.
Ekinshisi Petropavldaǵy «Dınamo» stadıonynyń janynda ornalasqan. Ekstremaldy sportpen aınalysýǵa arnalǵan alańdaǵy jabdyqtar tozǵan. Al skeıt-boýldarda jaz boıy turǵan sý búginde ıistenip ketken.
Turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń málimetinshe, skeıt-park qurylysy barysynda qurylys normalary men standarttar buzylmaǵan. ıAǵnı jumys tehnıkalyq talapqa saı, smetalyq qujattamaǵa sáıkes oryndalǵan.
Desek te, tehnıkalyq tapsyrmada drenaj júıesi qarastyrylmaǵan eken.
- Qurylys-montaj jumystaryn «Shatr Grýpp» JShS bir kózden satyp alý arqyly jasalǵan memlekettik satyp alý sharty negizinde oryndady. Qabyldaý sátinde kózge kórinetin aqaýlar nemese tehnıkalyq kemshilikter bolǵan joq.
Qazirgi ýaqytta nysannyń konstrýktıvti elementterine, drenaj júıesin ornatýǵa qatysty jumys júrgizilip jatyr. Sondaı-aq skeıt-parktiń tehnıkalyq jaı-kúıine qosymsha tekserý júrgizý josparlanǵan, - dep jaýap berdi bólim basshysynyń mindetin oryndaýshy Ashat Kenjebolatov.
Buǵan deıin Petropavlda halyqaralyq talaptarǵa saı muz arenasy salynyp jatqanyn jazǵan edik.
