Petropavldaǵy mektepte ústine tóbeniń sylaǵy qulaǵan balalarǵa dıagnoz qoıyldy

PETROPAVL. KAZINFORM – Ústine sylaq qulaǵan Petropavldaǵy Qojabergen jyraý atyndaǵy №6 orta mekteptiń úsh oqýshysy erteń aýrýhanadan shyǵarylýy múmkin. Búgin balalardy mamandar tekserdi. 

Kópbeıindi oblystyq balalar aýrýhanasy dırektorynyń mindetin atqarýshy Aleksandr Gassmannyń aıtýynsha, qazirgi ýaqytta balalardyń jaǵdaıy qanaǵattanarlyq. Túndi jaqsy ótkizdi. Densaýlyqtaryna qatysty shaǵymdary joq.

«4 jeltoqsan kúni saǵat 18.28 mınýt ketkende 12-13 jastaǵy úsh bala jetkizildi. Olardyń ústine mektepte tóbeniń sylaǵy qulap ketken eken. Búgin travmatolog pen oblystyń shtattan tys nevropatology qarap, tekserdi. Buǵan deıin qoıylǵan «bas mıy shaıqalý» dıagnozy rastalmady. Eki balanyń arqasy jaraqattanǵan. Úshinshi bala basynan soqqy alǵan», - deıdi Aleksandr Gassman. 

Balalar búgingi kúndi de aýrýhanada ótkizbek. Ózderin jaqsy sezingen jaǵdaıda erteń úılerine barady. Oqýlaryn jalǵasyrýǵa qarsy kórsetilim joq. 

Esterińizge salaıyq, 4 jeltoqsan kúni Petropavldaǵy Qojabergen jyraý atyndaǵy №6 mektepte sabaq ýaqytynda synyptaǵy tóbeniń sylaǵy qulady. Saldarynan úsh oqýshyny aýrýhanaǵa tústi. Mekteptiń paıdalanýǵa berilgenine tórt jyl ǵana bolǵan.