Petropavldaǵy qoqys polıgonynyń paıdalaný merzimi eki jylǵa ulǵaıtyldy

PETROPAVL. KAZINFORM – Petropavldaǵy bıyl jabylýy tıis qatty turmystyq qaldyqtar polıgony taǵy eki jyl jumys istemek.

Bul týraly qala ákimi Serik Muhamedıev brıfıngte aıtty. 

- Qoldanystaǵy qatty turmystyq qaldyqtar polıgonynyń resýrsy tolyq aıaqtaldy. Jańa polıgon qurylysyna daıyndyq júrgizilip jatqan aralyqta qoldanystaǵy polıgonnyń qýatyn qosymsha 10% ulǵaıttyq. 

Jańa polıgon salý – basym mindetterdiń biri bolyp otyr. Nysandy Mamlıýt tasjoly boıyna ornalastyrý josparlanǵan. Jumys jobasy ázirlengen. Jobanyń smetalyq quny 8,6 mlrd teńge, qazirgi ýaqytta qajetti kelisim rásimderi aıaqtalǵan, saraptamadan ótý qaldy, - dedi Serik Muhamedıev. 

Esterińizge salaıyq, 1996 jyly ashylǵan qoqys polıgony búginde tolǵan. Sol sebepti Petropavlda turmystyq qatty qaldyqtar polıgony jáne qoqysty qaıta óńdeý máselesin sheshý maqsatynda Tehnoekopark salynatyndyǵyn jazǵan edik.