Petropavldaǵy káriz qudyǵynda jarylys bolyp, bes adam zardap shekti
PETROPAVL. KAZINFORM — Petropavldaǵy kópqabatty úıdiń aýlasyndaǵy káriz kollektorynda jumys isteý barysynda gaz jaryldy.
Soltústik Qazaqstan oblysy polıtsııa departamenti baspasóz qyzmetiniń málimetinshe, oqıǵa keshe 19 aqpan kúni keshkisin bolǵan.
Petropavldaǵy Jýkov kóshesindegi úıdiń aýlasynda káriz kollektorynyń eski qubyryn bólshekteý kezinde gaz-aýa qospasy jarylǵan. Saldarynan jumys istep jatqan apattyq brıgadanyń bes jumysshysy zardap shekti. Eńbekti qorǵaý qaǵıdalaryn buzý faktisi boıynsha polıtsııa sotqa deıingi tergeý bastady.
SQO densaýlyq saqtaý basqarmasy baspasóz qyzmetiniń málimetinshe, zardap shekkenderdiń jasy 29 ben 59 aralyǵynda. Olar Petropavl qalalyq kópbeıindi aýrýhanaǵa jetkizildi. Dárigerler keıin jaraqat alǵandardyń bireýin ambýlatorlyq em alýǵa úıge jiberdi. Qalǵan tórteýi jaq-bet hırýrgııasy bólimshesinde em alyp jatyr. Zardap shekkenderdiń barlyǵynyń basy men moıny kúıgen.
Buǵan deıin SQO-da 20 tonna et artylǵan sheteldik fýra aýdarylyp qalǵanyn jazǵan edik.