Petropavldaǵy 2-JEO qysqa daıyn ba
PETROPAVL. KAZINFORM – Petropavldaǵy jylý elektr ortalyǵynda qazirgi ýaqytta úsh iri joba júzege asyp jatyr.
«SEVKAZENERGO» kompanııasy baspasóz qyzmetiniń málimetinshe, qazirgi ýaqytta stantsııanyń jylý-energetıkalyq kesheniniń negizgi elementteriniń biri - №2 qazandyq agregatyn qaıta qurý jumystary júrgizilip, №6 qondyrǵynyń negizgi boılerin aýystyrý jáne jańa sorǵy stantsııasynyń qurylysyn qamtıtyn jylý qýatyn berý sulbasyn qaıta qurý jobasy iske asyrý qolǵa alynǵan.
Petropavl 2-JEO dırektory Dmıtrıı Zaharovtyń aıtýynsha, bul jumystar óńirdiń energetıkalyq qaýipsizdigin nyǵaıtýǵa baǵyttalǵan.
- Atqarylyp jatqan jumystar - jaı ǵana josparlanǵan jóndeý emes, óńirimizdi aldaǵy ondaǵan jyl boıy senimdi energııamen qamtamasyz etýge arnalǵan strategııalyq ınvestıtsııa. Jańartylǵan jabdyq stantsııanyń tıimdiligin arttyryp qana qoımaı, ekologııalyq kórsetkishterin de jaqsartady, - deıdi Dmıtrıı Zaharov.
Energetıkter aldaǵy jylytý maýsymyna daıyndyqty da qarqyndy júrgizip jatyr. Birinshi jartyjyldyqta №4 qazandyq agregaty men №2 jáne №3 týrbınalyq agregattaryna aǵymdaǵy jóndeý júrgizildi. Sonymen qatar №2 tútin murjasy tekserilip, otyn-kólik tsehynyń jabdyqtary jóndeldi.
Budan bólek, qazandyqtar, týrbınalar, ydystar men qubyrlarǵa tehnıkalyq kýálandyrý júrgizilip, olardyń paıdalaný merzimin uzartý boıynsha jumystar atqaryldy. Negizgi jáne qosalqy jabdyqtar reglamenttik jóndeýden ótip, qajetti jóndeý materıaldary aldyn ala satyp alyndy.
Mamandardyń aıtýynsha, barlyq josparlanǵan jumys belgilengen kestege saı oryndalyp jatyr. Bul aldaǵy qysqy kezeńde Petropavl 2-JEO-nyń turaqty jumys isteýin qamtamasyz etpek.
Jalpy, alǵashqy jarty jylda óńir turǵyndary men kásiporyndaryn turaqty jylýmen qamtamasyz etip, 1 mln 94 myń gıgakalorııa jylý energııasyn óndirip, tutynýshylarǵa jetkizdi.
Kásiporyn málimetinshe, 2-JEO energetıkteri tutynýshylarǵa 1 mln 94 myń gıgakalorııa jylý energııasyn óndirip, jetkizdi. Onyń negizgi bóligi - 1 mln 84,9 myń Gkal - turǵyn úıler men áleýmettik nysandardy ystyq sýmen qamtamasyz etýge jumsaldy. Al 9,1 myń gıgakalorııa ónerkásiptik kásiporyndarǵa bý túrinde berilgen.
Buǵan deıin Qazaqstandaǵy bes jylý nysany erekshe baqylaýǵa alynǵanyn jazǵan edik.
