Petropavlda11 jasar qyzdy kólik qaqty
PETROPAVL. QazAqparat – Petropavlda joldy belgilenbegen jerden kesip ótpek bolǵan 11 jasar qyzdy kólik qaǵyp ketti, dep habarlaıdy QazAqparat tilshisi.
Áleýmettik jelide 14 mamyr kúni Petropavldaǵy Batyr Baıan kóshesinde 11 jasar qyzdy kólik qaǵyp ketkendigi jóninde jazba tarady. Jasóspirim «Snejınka» balabaqshasynyń qasynda kósheni belgilenbegen jerden kesip ótpek bolǵan.
Bul derek jaıyna Soltústik Qazaqstan oblysy polıtsııa departamenti túsinik berdi. Vedomstvonyń málimetinshe, oqys oqıǵa 14 mamyr kúni saǵat 18.20 shamasynda bolǵan. 47 jastaǵy júrgizýshi «Audi 80» kóligimen Batyr Baıan kóshesindegi №229 úıge qarama-qarsy jolda Qyzyljar aýdanynyń 2009 jyly týǵan turǵynyn qaǵyp ketken. Jasóspirim belgilenbegen jerden ótken.
Saldarynan zardap shekken qyzdy jedel járdem kóligi alǵashqy medıtsınalyq kómek kórsetý úshin Petropavldaǵy emdeý mekemeleriniń birine jetkizdi. Dıagnoz qoıylǵannan keıin úıine jiberildi.
Kólik júrgizýshisi spırttik ishimdik ishpegen.
Osy derekke qatysty tergeý amaldary bastaldy, ony nátıjesi boıynsha kináli tulǵa ákimshilik jaýapkershilikke tartylmaq.
Buǵan deıin Petropavldaǵy N.Nazarbaev kóshesinde 78 jastaǵy zeınetkerdi kólik qaqqany jaıynda aıtqan edik.
