Petropavlda jylytý maýsymy 30 sáýirde aıaqtalady

PETROPAVL. QazAqparat – Petropavlda bıyl jylytý maýsymy jyldaǵydan erte aıaqtalmaq. Jergilikti atqarýshy bıliktiń sheshimimen 30 sáýirge deıin barlyq nysandarda jylý berý toqtatylady, dep habarlaıdy QazAqparat tilshisi.

Petropavl qalalyq turǵyn úı kommýnaldyq sharýashylyq bólimi baspasóz qyzmetiniń málimetinshe, jylytý maýsymyn toqtatý týraly sheshimdi jergilikti atqarýshy bılik qabyldaıdy. Bıyl ákimdiktiń 16 sáýirdegi qaýlysyna sáıkes oblys ortalyǵynda jylý berý 20 men 30 sáýir aralyǵynda kezeń-kezeńimen toqtatylady.

«Eger aýa raıynyń ortasha temperatýrasy 3-5 kún boıy +10 gradýs aralyǵynda saqtalsa, bul jaǵdaıda jylytý maýsymy toqtatylady. Bul jumystar 20 sáýirden bastap qolǵa alyndy. ıAǵnı kezekpen júrgiziledi. 20-21 sáýirde balabaqshalar men mektepterde, 22-29 sáýir aralyǵynda kóp qabatty úılerde, al 30 sáýir kúni medıtsınalyq mekemelerde jylý taratý toqtatylady», - dedi Petropavl qalalyq turǵyn úı-kommýnaldyq sharýashylyǵy jáne jolaýshylar kóligi, avtomobıl joldary bóliminiń baspasóz hatshysy Ásem Aıtolla.